పాలకూర పచ్చడి.... తయారీ విధానం

పాలకూర పచ్చడి....

కావలసినవి 

పాలకూర: కట్ట(పెద్దది), నూనె: 3 టీస్పూన్లు, పచ్చిమిర్చి: ఆరు, ఉల్లిపాయ: ఒకటి, పొడికోసం: పల్లీలు: 2 టేబుల్‌స్పూన్లు, జీలకర్ర: టీస్పూను, దనియాలు: టీస్పూను, నువ్వులు: టీస్పూను, చింతపండు: నిమ్మకాయంత, తాలింపుకోసం: నూనె: 2 టేబుల్‌స్పూన్లు, ఆవాలు: టీస్పూను, జీలకర్ర: టీస్పూను, ఎండుమిర్చి: రెండు

తయారుచేసే విధానం 

* పాలకూర బాగా కడిగి కోయాలి. బాణలిలో నూనె వేసి పచ్చిమిర్చి వేసి వేయించాలి. అవి తీసి పాలకూర ఆకులు వేసి వేయించి తీసి చల్లారనివ్వాలి.

* మరో పాన్‌లో పల్లీలు, జీలకర్ర, దనియాలు, నువ్వులు వేసి నూనె లేకుండా వేయించి తీయాలి. చల్లారాక పొడి చేయాలి.

* వేయించి తీసిన పచ్చిమిర్చి, చింతపండు, పాలకూర, నువ్వులు, పల్లీలు, జీలకర్ర, దనియాల పొడి, ఉప్పు అన్నీ మిక్సీలో వేసి మెత్తగా రుబ్బాలి.

* బాణలిలో నూనె వేసి కాగాక తాలింపు దినుసులన్నీ వేసి వేయించి చట్నీలో కలపాలి. చివరగా సన్నగా తరిగిన ఉల్లిముక్కలు కలిపితే పాలకూర రోటిపచ్చడి రెడీ.