నువ్వుల పొడితో చింతపండు పులిహోర.

నువ్వుల పొడితో చింతపండు   పులిహోర.

కావలసినవి .

చింతపండు   --  75 గ్రాములు  గింజలను  తీసుకుని గ్లాసున్నర  వేడినీటిలో  పదిహేను నిముషములు  నానబెట్టుకోవాలి .

తదుపరి  వేరే గిన్నెలో  చిక్కగా రసం తీసుకోవాలి .

నువ్వు పప్పు  --  50 గ్రాములు.

నూనె  వేయకుండా  నాలుగు  ఎండుమిరపకాయలు వేసి  బాండిలో  వేయించుకుని  ఆ తర్వాత మిక్సీ లో  మెత్తని  పొడిగా  వేసుకోవాలి .

ఈ పొడి  విడిగా  ఓ  ప్లేటులో  తీసుకుని ఉంచుకోవాలి .

పచ్చిమిర్చి   --  పది . తొడిమలు తీసుకుని  ఉంచుకోవాలి .

కరివేపాకు   --  ఎనిమిది   రెమ్మలు .

బియ్యము   --  ఒకటిన్నర   గ్లాసు 

పోపుకు .

ఎండుమిరపకాయలు   --  పది

పచ్చి శనగపప్పు   --  మూడు స్పూన్లు 

మినపప్పు   --  రెండు  స్పూన్లు 

ఆవాలు  --  స్పూను 

పల్లీలు  ---   నాలుగు  స్పూన్లు

ఇంగువ  --  పావు  స్పూను .

నూనె  ---   75  గ్రాములు.

తయారీ  విధానము .

ముందుగా  గిన్నెలో  గ్లాసున్నర  బియ్యము   సరిపడా  నీళ్ళు పోసి  స్టౌ  మీద  పెట్టుకొని  మరీ  మెత్తగా  కాకుండా  పొడిగా  వండుకోవాలి  .

అన్నం  ఉడికే  లోపున  -

స్టౌ  మీద  బాండి  పెట్టి  ఓ 50 గ్రాముల  నూనె  వేసి  , నూనె  బాగా  కాగగానే   వరుసగా ఎండుమిరపకాయలు , పచ్చి  శనగపప్పు , మినపప్పు , ఆవాలు , ఇంగువ, పచ్చిమిరపకాయలు , కరివేపాకు  మరియు వేరుశనగ  గుళ్ళు వేసి  పోపు బాగా వేయించుకోవాలి.

 పోపు వేగుతున్నప్పుడే   ఆ  పోపులోనే  చింతపండు రసము , తగినంత  ఉప్పు మరియు కొద్దిగా  పసుపు వేసి బాగా  ఉడకనివ్వాలి .

తర్వాత  బేసిన్  లో  ఉడికిన  అన్నం  , స్పూను  పసుపు , కరివేపాకు ,  మిగిలిన   నూనె , కొద్దిగా   ఉప్పు  మరియు  ముందుగా  సిద్ధం  చేసుకున్న పోపు లో ఉడికిన చింతపండు  రసము  అన్నములో   వేసి  గరిటతో అన్నం  అంతా   పొడి  పొడిగా   కలుపు కోవాలి .

చివరగా ముందుగా  సిద్ధంగా  ఉంచుకున్న  నువ్వుపప్పు పొడి కూడా వేసుకుని  బాగా కలుపుకోవాలి .

అంతే .  చింతపండుతో నువ్వుల పొడి  , ఇంగువ  సువాసనలతో  నోరూరించే  పులిహోర  మీకు  సర్వింగ్   కు  సిద్ధం .