కొబ్బరి పచ్చడి తయారీ విధానము .

కొబ్బరి పచ్చడి.

 తయారీ విధానము .

ఒక కొబ్బరి కాయను  పగుల కొట్టి  రెండు చిప్పలను చాకుతో చిన్న ముక్కలుగా  తరుగు కోవాలి.

ఒక  చిన్న కొత్తిమీర  కట్టను కడుగుకొని  వేళ్ళు తీసి వేసి  చాకుతో కట్ చేసుకుని ఉంచుకోవాలి.

ఐదు పచ్చి మిరపకాయలు  తొడిమలు తీసుకుని  ఉంచుకోవాలి .

ఇప్పుడు మిక్సీలో  ముక్కలుగా  చేసిన కొబ్బరి  ముక్కలు , పచ్చిమిరపకాయల ముక్కలు , తరిగిన  కొత్తిమీర   మరియు  తగినంత  ఉప్పునువేసి  మరీ మెత్తగా  కాకుండా  మిక్సీ  వేసుకుని  విడిగా   ఒక గిన్నెలోకి తీసుకోవాలి .

స్టౌ  మీద  పోపు గరిటె పెట్టి రెండు స్పూన్లు  నెయ్యి  వేసి , రెండు ఎండుమిరపకాయలను ముక్కలుగా చేసి , స్పూను  మినపప్పు , అర స్పూను  ఆవాలు , పావు స్పూను  జీలకర్ర , కొద్దిగా  ఇంగువ మరియు మూడు రెమ్మలు కరివేపాకును  వేసి  పైన పోపు వేసుకుని  స్పూను తో బాగా కలుపుకోవాలి.

ఈ విధముగా పచ్చడి  పెద్ద పెద్ద హోటల్స్ లో చింతపండు  వేయకుండా  తయారు చేస్తారు.

ఈ పచ్చడి    అన్నింటి లోకి ఇడ్లీలు , దోశెలు , గారెలు , పూరీలు , రోటీలు , చపాతీలు  లోకిచాలా రుచిగా  ఉంటుంది .

భోజనము  లోకి  అయిన  పక్షంలో పచ్చడిలో  రెండు  రెమ్మలు  చింతపండు  వేసుకుని  మిక్సీ వేసుకుంటే  చాలా రుచిగా  ఉంటుంది .

లేదా  ఒక  కాయ నిమ్మరసం  పిండు కొనవచ్చును.