మెంతి వంకాయ కూర

మెంతి  వంకాయ కూర..

మెంతి  వంకాయ కూర.

కావలసిన  పదార్థములు.

చిన్నవి  నీలం రంగు గుండ్రని  వంకాయలు  ---

అర కిలో

పచ్చి శనగపప్పు  --  30  గ్రాములు

చాయ  మినపప్పు  -  20  గ్రాములు .

మెంతులు  ---  రెండు  స్పూన్లు .

జీలకర్ర  --  అర  స్పూను 

ఆవాలు  --  పావు  స్పూను 

ఇంగువ  --  పావు స్పూనులో  సగం 

ఎండు మిరపకాయలు  --  15

ఉప్పు  ---  తగినంత 

పసుపు  --  కొద్దిగా 

నూనె  --   100  గ్రాములు .

తయారు  చేయు విధానము .

ముందుగా  స్టౌ  వెలిగించి  బాండి  పెట్టి  నాలుగు  స్పూన్లు  నూనె వేసి 

ముందుగా  మెంతులు , ఎండు మిరపకాయలు , పచ్చి శనగపప్పు  , చాయ మినపప్పు , జీలకర్ర  , ఆవాలు ,  ఇంగువ  వేసి  మెంతులు  పచ్చి వాసన  పోయి  , పోపు  కమ్మని  వాసన  వచ్చేదాకా  వేయించు కోవాలి.

పోపు  చల్లారిన  తర్వాత  మిక్సీలో  ఈ  పోపు , కాస్త పసుపు , తగినంత  ఉప్పు వేసి  కొంచెము  పప్పులు  పంటికి  తగిలే  విధముగా  మిక్సీ  వేసుకోవాలి .

వంకాయలు  కాయలు  పుచ్చులు  లేకుండా  చూసుకుని  , శుభ్రంగా  కడిగి  నాలుగు  పక్షాలుగా  చేసుకోవాలి .

ముందుగా   సిద్ధం  చేసుకున్న ఈ   కూర  పొడిని  కాయల్లో  కూరు కోవాలి .

చివరలో కూర   దించబోయే  ఐదు నిముషాలు  ముందు  పైన  జల్లు కోవడానికి ,  కాస్త  పొడి  విడిగా  తీసి  ఉంచుకోవాలి .

మళ్ళీ  స్టౌ  మీద  బాండీ  పెట్టి  మిగిలిన  నూనె  అంతా పోసి  నూనె  బాగా  కాగాక  పొడి   కూరిన  వంకాయలు  వేసి  మీడియం  సెగన  వంకాయలు  మగ్గి  పొడి  వేగే  దాకా  మధ్య మధ్యలో  అట్లకాడతో  తిరగవేస్తూ కలుపుతూ  ఉండాలి .

దింప  బోయే   అయిదు  నిముషాల ముందు  మిగిలిన పొడిని  కూడా వేయాలి .  కూర  పొడి  వేగాక  కూరను  దించుకుని , వేరే  డిష్ లోకి  తీసుకోవాలి .

అంతే .  ఘమ ఘమ లాడే  మెంతి  వంకాయ కూర భోజనము  లోకి  సర్వింగ్  కు  సిద్ధం.